Oor Ons

Saarkie

GROEPLEDE

Adèle Fouché – Hoofsanger, kitaar en mondfluitjie
Lila Botha – Dromme en agtergrond stem
Lourene Mostert – Baskitaar, klawerbord en agtergrond stem

SAARKIE

SAARKIE is ’n energieke, bars-uit-jou-nate, Rock ’n Roll band van Pretoria. Hulle is drie meisies met ’n ongelooflike passie vir musiek wat iets uniek en interessant maak van rock en kommersiële musiek in Afrikaans en Engels. Hulle “funky” ritmes, solos en “stage presence” laat gehore van oud tot jong nader staan.
 
SAARKIE is ‘n band wat in elke aspek van die musiek se skryf en uitvoering daarvan, hulle eiesoortige en kenmerkende styl toepas. Die meisies het hope talent, ‘n uitstekende dinamika en is almal gegradueerde, professionele musikante. Hul toer gereeld die land plat en tree op by van Suid-Afrika se grootste feeste.

OPTREDES:

SAARKIE doen “electric” en “acoustic’ optredes, reg oor die land asook internasionaal. Hul “electric set” is ‘n energieke, opwindende, kopskud affêre wat jou sal rock tot jy in jou fondasie skud.  Vir die rustiger venues bied SAARKIE ’n gemaklike en smaakvolle “acoustic set”. Alle optredes sluit hul oorspronklike musiek in en gewoonlik ’n paar bekende treffers wat die gehoor ken en saam kan sing. Beide tipes optredes bied vermaak vir oud en jonk.
 

Meer oor SAARKIE:

SAARKIE het in 2009 hul debuut album ‘Luister’ vrygestel. Die album is saamgestel uit 12 oorspronklike snitte waarvan 3 Engels is. Hierdie album het ‘n goeie indruk op die Suid Afrikaanse mark gemaak, en het die SAARKIE naam behoorlik in die geheue en harte van gehore landwyd gevestig. Die groep se eerste musiekvideo het sy oorsprong ook aan die debuutalbum te danke – ‘Sneeu in Afrika’ was vrygestel en het gereeld speeltyd geniet op DSTV se MK.
 
‘Identiteit’, hul tweede album, het in Maart 2011 die lig gesien. Die album is opgeneem en verwerk deur Sean Manley en Zanda Traut, by Manley Studios in Pretoria. Manley Studios spog met album opnames en verwerkings van S.A se mees bekende kunstenaars o.a. Robbie Wessels, Lianie May en Bok van Blerk.
“IDENTITEIT beskryf 'n metaforiese reis wat elkeen van ons moet ondergaan om sy eie identiteit te ontdek.  Die album verteenwoordig selfvertroue en moedig die luisteraar aan om sy of haar eie identiteit te vind en uit te leef.”- SAARKIE
Die album bevat ook ’n snit geskryf deur die bekende Suid-Afrikaanse rocker, Jan Blohm – Nader Aan My.
 
"Dit was absolute eer en hoogtepunt vir ons om saam met so ‘n groot kunstenaar soos Jan Blohm te werk en geassosieer te word. Ons is baie opgewonde oor die liedjie, en dit pas perfek in by Saarkie se vibe.” – SAARKIE
 
’n Musiekvideo van die titelsnit, “Identiteit” is kort daarna deur Blixem Produksies verfilm en uitgereik en word steeds op DSTV uitgesaai.
 
SAARKIE werk tans aan die bekendstelling van hul derde album, Reisiger, wat in Februarie/Maart 2015 vrygestel  sal word. Hul nuwe enkelsnit, Dullstroom is 20 Oktober 2014 uitgereik en maak reeds groot opspraak in die media wêreld. Luister gerus daarna op soundcloud: https://soundcloud.com/saarkie
 
SAARKIE se musikale groei is merkwaardig en grotendeels toe te skryf aan die feit dat al die lede van SAARKIE nou gegradueerde musikante is en dus die kwaliteit van hul spel kon verbeter en meer ingelig wees en kennis dra van die musiek mark. Die trio bring ’n unieke kombinasie van sang en instrumente na die Suid-Afrikaanse musiek industrie wat verseker SAARKIE se merk in die wêreld van rock sal vaslê.
 
SAARKIE het sedert hul ontstaan hul stempel afgedruk by groot muskiekfeeste soos Aardklop, KKNK, STRAB en Mieliepop. Hul het ook die verhoog gedeel met van Suid-Afrika se bekendstes o.a. Karen Zoid, Klopjag, Van Coke Kartel, The Parlotones, The Black Cat Bones, The Southern Gypsy Queens, Piet Botha, Steve Hofmeyr, Kurt Darren en Die Heuwels Fantasties.

MEDIA

SAARKIE verskyn gereeld in vooraanstaande publikasies soos Beeld, Vrouekeur, Huisgenoot, Kampus Beeld, Die Laevelder en Die Burger en was al te sien op ‘Dis Hoe Dit Is Met Steve’, MK Live, Kyknet Jam, Etv’s Musiek-Musiek en LekkerTV. Radio onderhoude word op ’n gereelde basis gedoen en het daardeur al daarin geslaag om SAARKIE se naam te versprei tot sover as Nieu Zeeland. SAARKIE word verteenwoordig deur Alishia van Deventer - Starburst Promotions, as ons media skakel en promotor. Hul musiek is beskikbaar op iTunes, Soudcloud en by optredes. Daar is ook verskeie videos van SAARKIE op Youtube te sien.
 
“…ons leer met Saartjie om na Saarkie te luister.  Ek hou van Saarkie.  Ek dink Saarkie het ‘n punt beet in hul liedjies. “ - Rozanne Els – Beeld
“ ...musiek pols en die lede se jeugdige lewenslus laat ‘n mens onwillekeurig goed voel. - CJ de Swart – Vrouekeur
“ Saarkie maak die soort musiek wat jy kliphard wil speel wanneer jy vroegaand met die kar vol pelle die pad na ‘n belowende makietie vat.” - Yvonne Beyers – Tempo in Huisgenoot
“….Die 12 snitte doen presies wat Saarkie wou doen:  ‘n Unieke klank wat nie soos iemand anders se musiek klink nie.” - Clarissa Grobler - Volksblad

SAARKIE is ’n onafhanklinke entiteit (SAARKIE MUSIEK) en hoort tot geen platemaatskappye of agentskappe nie. SAARKIE word bestuur en bemark deur Elize Fouché – SAARKIE MUSIEK.

Besprekings:
Elize Fouché
082 575 3184
[email protected]
 
Nog links: 
http://www.youtube.com/watch?v=DHJFiK-pSf8
http://www.youtube.com/watch?v=3X9PNTYBjwk
https://soundcloud.com/saarkie

Adele
Lourene
Lila